Bu ilin oktyabrın 1-nə Azərbaycanda geniş mənada pul kütləsinin (M3 aqreqatı) həcmi 47,986 milyard manat olub.
Finss.az Azərbaycan Mərkəzi Bankının (AMB) məlumatına əsasən xəbər verir ki, bu göstərici aylıq müqayisədə 218,8 milyon manat (0,5%), 2024-cü ilin eyni dövrü ilə müqayisədə isə 2,4 milyard manat (5,3%) artıb.
Hesabat dövründə manatla pul kütləsi (M2 aqreqatı) 37,188 milyard manat təşkil edib. Bu da aylıq müqayisədə 381,9 milyon manat (1%), illik müqayisədə isə 1,4 milyard manat (3,9%) çoxdur.
Bununla yanaşı, M1 aqreqatı üzrə göstərici 29,468 milyard manat olub. Bu, aylıq müqayisədə 341,7 milyon manat (1,2%), illik müqayisədə isə 776,1 milyon manat (2,7%) artım deməkdir.
Eyni zamanda, banklardan kənarda olan nağd pul kütləsi (M0 aqreqatı) 17,011 milyard manat səviyyəsində qeydə alınıb. Bu, aylıq müqayisədə 182,7 milyon manat (1,1%), illik müqayisədə isə 1,2 milyard manat (7,4%) artıb.
Fuad Mədətov
Finss.az
