Olaylar.az xəbər verir ki, bu barədə Aİ-nin Gürcüstandakı səfiri Pavel Herçinskinin ölkənin Xarici İşlər Nazirliyinə ünvanladığı və "Rustavi 2" telekanalının əldə etdiyi məktubda bildirilir.
Məktubda qeyd olunur ki, bu qərar "Gürcüstandakı müstəsna vəziyyətlə bağlıdır" və 27 iyun 2024-cü il tarixli Avropa Şurasının qərarına uyğundur. Həmin qərar faktiki olaraq Gürcüstanın Aİ-yə üzvlük prosesinin dayandırılması ilə nəticələnib.
Herçinski məktubda, Gürcüstanın daxili işlər və ədliyyə nazirliklərinin nümayəndələrinə aid olan üç regional layihədən kənarlaşdırıldığını dəqiqləşdirib:
1. Europol dəstəyi ilə Şərq Tərəfdaşlığında mütəşəkkil cinayətkarlıqla mübarizə.
2. Mütəşəkkil cinayətkarlıqla mübarizədə əməkdaşlıq (TOPCOP II).
3. Aİ-də Narkotik Monitorinqi layihəsi (EU4MD II).
Gürcüstanın proqramlardan kənarlaşdırılması 15 oktyabr tarixindən qüvvəyə minib.
