ain.az, Bizim media portalına istinadən məlumatı açıqlayır.
8-9 noyabr tarixlərində Göyçay şəhərində Göyçay Rayon İcra Hakimiyyətinin təşkilatçılığı, Dövlət Turizm Agentliyi və Kiçik və Orta Biznesin İnkişafı Agentliyinin (KOBİA) dəstəyi ilə ənənəvi “Nar Festivalı” keçirilib.Bizim.Media xəbər verir ki, festivalın əsas məqsədi regionun narçılıq ənənələrinin qorunması və təbliği, bu ənənələrin turizm məhsuluna çevrilməsi, həmçinin yerli istehsalçılar üçün satış və tanıtım imkanlarının genişləndirilməsi olub.Tədbirdə 65-dən çox stend fəaliyyət göstərib. Burada istehsal müəssisələrinin nardan hazırladığı məhsullar, fermerlərin yetişdirdiyi müxtəlif nar növləri, narla bağlı əl işləri nümayiş etdirilib. Ziyarətçilər üçün məhsulların dequstasiyası, yarmarka, ustad dərsləri, rəsm sərgisi, müsabiqələr və folklor qruplarının çıxışları təşkil olunub.Festival konsert proqramı ilə başa çatıb.Dövlət Turizm Agentliyinin məlumatına görə, regionlarda tematik festivalların keçirilməsi və turizm məhsulu kimi inkişaf etdirilməsi diqqət mərkəzində saxlanılır.
Qeyd edək ki, 2006-cı ildən keçirilən “Nar Festivalı”, Azərbaycanın kənd təsərrüfatı və aqrar mədəniyyətinin mühüm tərkib hissəsi sayılır və aqroturizmin inkişafına töhfə verir.
Göyçayda gülöyşə, vələs, şirin, şıxbaba, şelli mələsi, qırmızıqabıq, bala mürsəl, şahnaz, ağşirin kimi yüksək keyfiyyətli nar növləri yetişdirilir.Bu məhsullar Azərbaycanın aqrar ixrac potensialının mühüm hissəsi kimi xarici bazarlarda da tanınır.
Nəzrin Elxan, Bizim.Media
Hadisənin gedişatını izləmək üçün ain.az saytında ən son yeniliklərə baxın.
