BAKI, 12 noyabr. TELEQRAF
Gürcüstan ərazisində Türkiyə hərbi təyyarəsinin qəzaya uğradığı yerdə müvafiq xidmətlərin nümayəndələri təhqiqat işlərini davam etdirirlər.
Teleqraf Gürcüstan KİV-ə istinadla xəbər verir ki, müxtəlif qurumların nümayəndələri gecə boyu ərazidə işləyiblər.
Xatırladaq ki, Türkiyəyə məxsus hərbi təyyarə Gürcüstanın Azərbaycanla dövlət sərhədindən təxminən 5 kilometr aralıda, Siqnaqi bələdiyyəsində qəzaya uğrayıb. Təyyarə Azərbaycandan Türkiyəyə uçurdu. Faciəvi hadisə nəticəsində təyyarədə olan 20 Türkiyə hərbçisi həlak olub. Gürcüstanda faktla bağlı Cinayət Məcəlləsinin 275-ci maddəsinin 4-cü hissəsi, yəni hava nəqliyyatının təhlükəsizliyi və ya istismarı qaydalarını pozma, insan tələfatı ilə nəticələnmə ilə bağlı araşdırma aparılır.
