BAKI, 15 noyabr. TELEQRAF
ABŞ administrasiyası Braziliyadan idxal olunan mallara tətbiq edilən 40%-lik xüsusi tarifi qüvvədə saxlayıb.
Teleqraf xəbər verir ki, bu barədə "CNN Brasil"in Ağ Evdəki mənbələrə istinadən bildirib.
Məlumata görə, prezident Donald Tramp yalnız bəzi ərzaq məhsullarına qoyulan 10%-lik rüsumu ləğv edib.
Məlumata görə, Trampın imzaladığı son sənəd əsasən Braziliyadan gətirilən mal əti, qəhvə və meyvələr kimi kənd təsərrüfatı məhsullarını əhatə edir. Həmin kateqoriyalarda tarif 10% azaldılıb. Bu dəyişiklikdən əvvəl Braziliya məhsullarına ümumi olaraq 50%-lik rüsum tətbiq edilirdi.
Ağ Evin adının açıqlanmasını istəməyən rəsmiləri vurğulayıb ki, “Braziliya üçün 40%-lik xüsusi tarif qüvvədə qalır”. Yeni qərar yalnız seçilmiş ərzaq məhsullarına şamil olunur və onların ABŞ bazarına daha aşağı rüsumla daxil olmasına imkan verir.
