Ukrayna dronları Ryazandakı neft emalı zavoduna hücum edib.
Bu barədə ASTRA Telegram kanalı yerli sakinlərə istinadən məlumat yayıb.
Ryazan vilayətinin qubernatoru Pavel Malkov gecə bölgədə 25 PUA-nın məhv edildiyini, bir müəssisənin ərazisində yanğın baş verdiyini bildirib. Malkov müəssisənin adını açıqlamayıb.
Rusiya neft emalı zavoduna dəyən ziyanın miqyası hazırda məlum deyil.
Qeyd edək ki, 17-18 milyon ton neft istehsal gücünə malik Ryazan neft emalı zavodu Rusiyada ilk beşliyə daxildir. O, dəfələrlə Ukrayna dronlarının hücumuna məruz qalıb.
