Azpost portalından əldə olunan məlumata əsasən, ain.az xəbər verir.
Kompüterlərə və telefonlara qoşduğumuz USB kabellərindəki rənglər illərdir sadəcə dizayn elementi kimi görünürdü. Amma mütəxəssislər bildirirlər ki, bu rənglər kabelin ötürmə sürəti, enerji gücü və texnoloji standartı haqqında mühüm məlumat daşıyır.
AzPost xəbər verir ki, USB giriş hissəsində gördüyümüz mavi, qara, ağ, sarı və digər rənglər əslində kabelin nə qədər sürətli işlədiyini, hansı cihazlara uyğun olduğunu və hətta kompüter söndürülmüş halda belə enerji verib-vermədiyini müəyyənləşdirir. Hətta eyni noutbukda yan-yana olan iki USB-C portu da fərqli güc və sürət dəstəyi ilə işləyə bilər.
USB rənglərinin əsl mənası
Ağ – USB 1.x standartıdır, köhnə versiya sayılır və maksimum 12 Mbps ötürmə sürəti təklif edir. Bu rəngə əsasən köhnə cihazlarda rast gəlinir.
Qara – USB 2.0 deməkdir. Hal-hazırda ən geniş yayılmış standart olaraq 480 Mbps sürət dəstəkləyir.
Sarı – Kompüter sönülü və ya yuxu rejimində olsa belə USB port aktiv qalır və cihazları şarj edə bilir.
Narıncı – Sarı porta bənzəyir, lakin USB 3.0 dəstəyinə görə daha yüksək sürət təklif edir.
Mavi – USB 3.0, yəni “SuperSpeed” standartıdır. 5 Gbps sürət verir və yeni cihazların əksəriyyətində mövcuddur.
Mavi-yaşıl – USB 3.1 standartını göstərir və 10 Gbps-ə qədər sürət təmin edir.
Qırmızı – USB 3.1 Gen 2 və USB 3.2 portlarını bildirir. 10–20 Gbps sürətə qədər imkan verir və kompüter söndürülmüş halda belə enerji ötürə bilir.
Yeni nəsil USB-C portları
Müasir cihazlarda USB-C standartları fərqli sürət və güc səviyyələrinə bölünür:
USB 2.0 – 480 Mbps
USB 3.x – 20 Gbps-ə qədər
Thunderbolt – 40 Gbps-ə qədər
Xüsusilə yeni MacBook Pro M4 modellərində istifadə olunan USB 4 isə hazırda ən yüksək göstəriciyə malikdir – 120 Gbps-ə qədər sürət və əvvəlki bütün USB standartları ilə tam uyğunluq.
Mütəxəssislərin fikrincə, USB kabellərindəki rənglərə diqqət etmək həm ötürmə sürətinə, həm də enerji təhlükəsizliyinə təsir edir. Bu səbəbdən cihaz seçərkən kabel rənglərinə və dəstəklədiyi standartlara baxmaq tövsiyə olunur.
AzPost.az
Paylaş
Sonrakı hadisələr barədə daha çox məlumat almaq üçün ain.az saytını izləyin.
