13 yaşadək oğlan basketbolçulardan ibarət Azərbaycan yığması Türkiyənin paytaxtı Ankarada təlim-məşq toplanışında iştirak edib.
Offsideplus.az xəbər verir ki, hazırlıq prosesi noyabrın 9–15-i aralığında baş tutub.
Bu barədə Azərbaycan Basketbol Federasiyasının mətbuat xidməti məlumat yayıb.
Toplanış zamanı U-13 "Türk Telekom", "Çaba Akademi", "Vamos", "Etimesqut", ODTÜ və "Çankaya Universiteti" komandaları ilə yoxlama oyunları keçirib. Gənclər bu görüşlərin hamısından qələbə ilə ayrılıb.
Qeyd edək ki, U-13 yığması 2028-ci ildən beynəlxalq yarışlarda mübarizə aparacaq.
