EN
Topics
Other
20.11.2025 ◦ 18:00

Yüksək Liqa: “DH Volley” “Murov”a da şans vermədi – ARENA.AZ

Qadın voleybolçular arasında təşkil edilmiş Azərbaycan çempionatında (Yüksək Liqa) bu gün 3-cü turun daha bir oyunu keçirilib.

Arena.az xəbər verir ki, günün yeganə oyununda “DH Volley” komandası “Murov”la üz-üzə gəlib.

Azərbaycan Voleybol Federasiyasının idman zalında baş tutmuş matçın qalibi üç setdə müəyyənləşib. Rəqibini 3:0 hesabı ilə məğlub edən “DH Volley” Yüksək Liqada növbəti qələbəsini qazanıb.

Xatırladaq ki, turun ötən gün baş tutmuş ilk görüşündə UNEC “Azərreyl”i 3:0 hesabı ilə məğlub etmişdi.

3-cü tura noyabrın 21-də yekun vurulacaq. Turun sonuncu oyunu sabah Gəncə şəhərində “Gəncə” və “Turan” komandaları arasında keçiriləcək.

Yüksək Liqa
3-cü tur
20 noyabr

“DH Volley” – “Murov Az Terminal” 3:0 (25:15, 25:17, 25:22)

Xəbəri istədiklərinizlə paylaşın
Chosen
7
49
arena.az

10Sources