Qafqazinfo saytından verilən məlumata görə, ain.az xəbər verir.
Britaniya şahzadəsi Diana illər sonra Parisə “mum fiqur” olaraq “qayıdıb”.
“Qafqazinfo” xəbər verir ki, Avropanın ən qədim mum muzeylərindən biri olan Qrevin Muzeyi mərhum Uels şahzadəsinin məşhur “intiqam libası” ilə yeni fiqurunu ictimaiyyətə təqdim edib.
Muzey rəhbərliyinin bildirdiyinə görə, fiqurun hazırlanmasına səbəb direktorun Londona səfəri zamanı Madam Tüsso muzeyindəki Diana obrazını bəyənməməsi olub. Bu səbəbdən Paris öz versiyasını sifariş edib.
Yeni fiqur Diananın 1994-cü ildə London Serpentine Qalereyasında geyindiyi, çiyinləri açıq, qara və bədənə oturan kokteyl libasının dəqiq surətidir. Həmin gecə Kral III Çarlz (o vaxtlar Şahzadə Çarlz) televiziyada Kamilla Parkerlə münasibətini etiraf etmişdi. Bu səbəbdən geyim sonradan “intiqam libası” kimi məşhurlaşıb.
Fransız yazıçı Kristin Orban geyimin Diana üçün dönüş nöqtəsi olduğunu deyərək bildirib ki, kral ailəsində qara rəng yalnız dəfn mərasimlərində geyinilir və bu libas onun azadlığının simvoluna çevrilib.
Paris üçün təqdimat xüsusi məna daşıyıb. 1997-ci ildə Diana Sena çayı yaxınlığındakı tuneldə avtomobil qəzasında həlak olmuş, bu faciə onu fransızların yaddaşında əbədi simvollarından birinə çevirmişdi. Şəhərin müxtəlif nöqtələrində hələ də ona həsr olunan qeyri-rəsmi memoriallarda güllər və məktublar görünür.
Muzey nümayəndələri fiqurun təqdimatının Diananın BBC-nin “Panorama” proqramına verdiyi və monarxiya üçün sarsıdıcı hesab olunan sensasion müsahibəsinin 30-cu ildönümünə təsadüf etdiyini bildiriblər.
Fiqurun yerləşdiyi yer də diqqət çəkib — o, həyat yoldaşı Çarlz və kraliça II Elizabetin mum fiqurlarından uzaqda təqdim olunub.
Diananın fiquru Parisdə ölmüş digər məşhur kraliça Mariya Antuanettanın yanında sərgilənir.
Hadisənin gedişatını izləmək üçün ain.az saytında ən son yeniliklərə baxın.
