Şəki, 25 noyabr, Rasim İslamoğlu, AZƏRTAC
Qaraməryəm-İsmayıllı-Şəki avtomobil yolunun Şəkinin Vərəzət kəndi ərazisindən keçən hissəsində yol-nəqliyyat hadisəsi baş verib.
AZƏRTAC-ın bölgə müxbirinin məlumatına görə, rayon sakini, 31 yaşlı Həsən İlyaslının idarə etdiyi “VAZ-2106” yoldan çıxaraq ağaca dəyib. Qəza nəticəsində sürücünün qolu sınıb. Hadisə yerinə cəlb olunan təcili tibbi yardım briqadası sürücüyə ilkin yardım göstərib. Daha sonra yaralı sürücü Şəki Rayon Mərkəzi Xəstəxanasında müayinədən keçirilib, qoluna sarğı qoyulub. Həkimlər sürücünün vəziyyətini kafi qiymətləndirir.
Baş verən yol-nəqliyyat hadisəsi ilə bağlı araşdırma aparılır.
