EN

Laçında “MDB-nin Mədəniyyət Paytaxtı – 2025”in rəsmi bağlanış mərasimi keçirilib - FOTOLENT

Laçın şəhərində “MDB-nin Mədəniyyət Paytaxtı – 2025”in rəsmi bağlanış mərasimi keçirilib.

APA-nın Laçına ezam olunmuş müxbirinin məlumatına görə, bağlanış mərasimində çıxış edən prezidentin Laçındakı xüsusi nümayəndəsi Məsim Məmmədov bildirib ki, bu, bizim mədəni həyatımızın bir hissəsidir. Biz mədəni tədbirlərlə bağlı təşkilatlanmadan, paralel olaraq isə bu torpaqda bərpa işlərinin və yeni binaların inşasının davam etməsindən danışanda, bütün bunlar bir-biri ilə yanaşı həyata keçirilirdi.

“Biz indi sizinlə bunun şahidiyik ki, bu il sadəcə ötüb keçmədi, əksinə, həqiqətən də yeni bir başlanğıca çevriləcək”, – deyə xüsusi nümayəndə vurğulayıb.

Daha sonra çıxış edən MDB-yə üzv dövlətlərin Beynəlxalq Humanitar Əməkdaşlıq Fondunun icraçı direktoru Tair İksanov Laçın şəhərinə xoşbəxtlik və inkişaf arzulayıb.

“Əziz dostlar, Müstəqil Dövlətlər Birliyi İcraiyyə Komitəsi adından 2025-ci ildə Laçında həyata keçirilmiş MDB-nin “Mədəniyyət Paytaxtı” beynəlxalq proqramının bağlanış mərasiminin keçirilməsi münasibətilə sizləri səmimi-qəlbdən təbrik edirəm”, – deyə Tair İksanov bildirib.

Milli Məclisin deputatı Polad Bülbüloğlu isə çıxışında qeyd edib ki, deyirlər ki, dost millət dost millətdir – bu tədbirlər insanlar arasında dost münasibətinin göstəricisidir.

“Bunun üçün bir səbəb olmalıdır ki, bu insanlar bir-biri ilə ünsiyyət qura bilsin, bir-birlərinin mədəniyyəti ilə tanış olsun, dostluq etsin və fikirlərini bölüşsünlər”, – deyə Polad Bülbüloğlu vurğulayıb.

Sonda çıxış edən mədəniyyət nazirinin müavini Fərid Cəfərov Laçın sakinlərinə və tədbirdə iştirak edənlərə Mədəniyyət Nazirliyi adından təşəkkürünü bildirib.

Bağlanış mərasimi qonaqların da iştirak etdiyi konsert proqramı ilə yekunlaşıb.

Xatırladaq ki, MDB Humanitar Əməkdaşlıq Şurasının 2024-cü il 8 oktyabr tarixli qərarına əsasən, Azərbaycanın Şərqi Zəngəzur bölgəsinin Laçın şəhəri 2025-ci il üçün “MDB-nin Mədəniyyət Paytaxtı” elan edilib.

Laçında Laçında Laçında Laçında Laçında Laçında Laçında Laçında
Chosen
39
1
apa.az

2Sources