Astroloqların 2026-cı il üçün verdiyi proqnozlara əsasən, gələn il bəzi bürclər üçün yeni iş imkanları, karyerada sıçrayış və maddi sabitlik dövrü olacaq.Metbuat.az xəbər verir ki, xüsusilə Oxatan, Oğlaq, Əkizlər, Qız, Tərəzi və Dolça bürclərinin iş həyatında ciddi dəyişikliklər gözlənilir. Oxatan bürcü 2026-cı ildə güclü yüksəliş yaşayacaq, xarici şirkətlərdən əməkdaşlıq təklifləri, maaş artımı və yeni layihələrə dəvət ala bilər. Oğlaqlar üçün yeni il daha sabit və yüksək maaşlı işlərlə yadda qalacaq, onların məsuliyyəti və zəhməti rəhbər vəzifələrə yüksəliş şansı yaradacaq. Əkizləri gələn il sürətli və gözlənilməz iş dəyişiklikləri gözləyir, sosial çevrədən gələn təkliflər və qısa müsahibə sonrası qəbul ehtimalı yüksəkdir. Qız bürcü üçün 2026 peşəkar yüksəliş ili olacaq, idarəçilik, analitika, ofis və təhsil-səhiyyə sahələrində yeni vakansiyalar və əməkdaşlıq imkanları yaranacaq. Tərəzilər yaradıcılıq və media sahələrində parlayacaq, dizayn, marketinq və sosial media üzrə yeni iş təklifləri artacaq, freelance çalışanların gəliri yüksələcək. Dolça bürcü isə texnologiya və startap sahəsində iri addımlar atacaq, IT üzrə təkliflər, uzaqdan iş imkanları və yeni layihələr onların karyerasına güclü təkan verəcək.
