Bu barədə ölkənin Nəqliyyat Nazirliyinə istinadən “New Straits Times” nəşri məlumat yayıb. 2014-cü il martın 8-də Kuala-Lumpur - Pekin reysini həyata keçirən “Boeing 777-200” təyyarəsi radarlardan itib. Göyərtəsində 227 sərnişin və 12 ekipaj üzvünün olduğu təyyarənin Hind okeanının cənub hissəsində qəzaya uğradığı ehtimal edilir.
Üç il davam edən axtarış əməliyyatı bir neçə ölkə tərəfindən maliyyələşdirilib, lakin qalıqları heç vaxt tapılmayıb. Mart ayında Malayziya hakimiyyəti Amerikanın “Ocean Infinity” şirkəti ilə axtarışları yeniləməyə razılaşıb. Nəticədə “Ocean Infinity” 55 gün ərzində okeanın dibində təyyarə qalıqlarının axtarışını davam etdirəcək.
AzVision.az
