İrəvan maraqlı tərəflərlə məsləhətləşmədən ATƏT-in işçi sənədlərini və həmsədr ölkələrin başçılarının yazışmalarını dərc etməklə etik normaları pozub.
"Unikal" xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova bildirib.
"Əgər onlar bunu artıq ediblərsə, deməli, bu sənədlər İrəvanda irəli sürülən tezislərdən fərqlənir. ATƏT və BMT sənədləri açıq şəkildə sübut edir ki, Rusiya 30 ildir ki, həmsədr ölkə kimi bütün səylərini Qarabağ münaqişəsinin siyasi və diplomatik yolla həllinə sərf edib. Biz həmişə bu barədə danışmışıq, indi isə bu sənədlərdən aydın görünür", - deyə diplomat qeyd edib.
Xatırladaq ki, bundan bir gün əvvəl rəsmi İrəvan Qarabağla bağlı bir sıra danışıqlar paketini yaymışdı.
Ağarza Elçinoğlu
