Bakı, 12 dekabr, AZƏRTAC
Azərbaycan Mərkəzi Bankının (AMB) rəhbərliyi və kollektivi Ümummilli Lider, görkəmli siyasi xadim Heydər Əliyevin anım günündə Fəxri xiyabanı ziyarət edib.
AMB-dən AZƏRTAC-a bildirilib ki, Ulu Öndərin məzarı önünə gül dəstələri qoyularaq əziz xatirəsi dərin hörmət və ehtiramla yad olunub.
Görkəmli oftalmoloq-alim, akademik Zərifə Əliyevanın məzarı önünə gül dəstələri düzülüb, əziz xatirəsi böyük hörmətlə anılıb.
