Ukraynadakı münaqişənin həlli üçün onun kök səbəbləri aradan qaldırılmalıdır.
NOCOMMENT.az bildirir ki, bu barədə RİA Novosti agentliyinə müsahibəsində Donetsk Xalq Respublikasından (DXR) senator Natalya Nikonorova bildirib.
Onun sözlərinə görə, Rusiya üçün bir sıra fundamental məsələlər var: Ukraynanın NATO-ya qoşulmayacağına dair zəmanətlər , ölkənin demilitarizasiyası və denazidizasiyası, eləcə də Kiyevin ana dilindən sərbəst istifadə və din azadlığı da daxil olmaqla, hamı tərəfindən tanınmış insan hüquqlarına riayət etməsi .
Senator Donbass və Novorossiyanı tarixi Rusiya bölgələri adlandıraraq, onları ölkənin ayrılmaz hissəsi adlandırıb.
“Volodimir Zelenski avropalı və amerikalı tərəfdaşlarının getdikcə daha çox israrlı tələblərinə baxmayaraq, nə qədər çox müdaxilə etsə, həm onun, həm də ‘top yemi’ kimi istifadə edilən adi ukraynalılar üçün bir o qədər pis olacaq. Çünki bu torpaqlar istənilən halda, istər diplomatik, istərsə də hərbi yolla geri qaytarılacaq”, – deyə o xəbərdarlıq edib.
Daha əvvəl “The New York Times” qəzeti Ukraynanın ABŞ prezidenti Donald Trampın təklif etdiyi sülh planının bir hissəsi olaraq Donbasdan qoşunların çıxarılması və NATO üzvlüyündən imtina etmək təkliflərini rədd etdiyini bildirmişdi.
