“WhoScored” statistika portalı 2025/2026 mövsümünün ən yaxşı beş Avropa çempionatından ən yaxşı cinah hücumçularının siyahısını dərc edib.
Yeniavaz.com xəbər verir ki, siyahıya ən yüksək reytinqlə (8.34 bal) “Barselona”nın hücumçusu Lamin Yamal başçılıq edir.
“Bavariya”nın oyunçusu Maykl Olise 7.85 bal reytinqlə ikinci yeri tutur.
“Bavariya”nın digər oyunçusu Luis Dias isə 7.67 bal reytinqlə ilk üçlüyü tamamlayır.
Dördüncü yerdə Fransanın “Marsel” klubunun oyunçusu Meyson Qrinvud (7.58 bal), beşinci yerdə isə Yamalın “Barselona”dakı komanda yoldaşı Rafinya (7.47 bal) qərarlaşır.
Qeyd edək ki, bu mövsüm Lamin Yamal “Barselona”nın heyətində bütün yarışlarda 20 oyun keçirib, doqquz qol vurub və 11 məhsuldar ötürmə edib.
