İsrail mediası İsrail polisinin hərbiləşdirilmiş əməliyyat qrupu olan "MAQAV" əməkdaşının iştirak etdiyi əndrəbadi qalmaqalı müzakirə edir.
Moderator.az "İslamnews" və "İsraelinfo" nəşrlərinə istinalda yazır ki, xəbərin təfərrüatları "İsrailin Səsi" telegram-kanalında yer alıb.
İddia olunur ki, israilli qadın hərbçi bir fələstinliyə aşiq olub və birlikdə onun işğal olunmuş Qərbi Şəriyədəki(yaxud İordan çayının Qərb sahili) Hevronun ətrafındakı doğma kəndi Yattaya gedib.
Bölmədəki şəxsi heyətin say çatışmazlığını görən komandirlər əvvəlcə qadının oğurlandığını düşünüblər. Lakin sonradan yəhudi qadın və fələstinli kişinin romantik münasibətlərdə olduqları məlum bilinib. Və bu sonda qadının "MAQAV"-DA döyüş təlimindən kənarlaşdırılmasına səbəb oluB.
Nəşrin məlumatına görə, fələstinli kişi qadını kəndin girişinə çıxarıb və oradan yəhudi əsgərlər tərəfindən götürülərək İsrailə aparılıb.
Bundan əvvəl Birləşmiş Krallıq, Kanada, Fransa və Almaniya da daxil olmaqla 14 ölkə Qərb Şəriyəsində qanunsuz İsrail yaşayış məntəqələrinin genişləndirilməsini pisləyib. İsrail əvvəllər 19 yeni yaşayış məntəqəsinin tikintisini təsdiqləmişdi.
İsrail hakimiyyətinin planlarını radikal maliyyə naziri Bezalel Smotriç açıq şəkildə bildirib və qəsəbə tikintisinin "terrorçu Fələstin dövlətinin" yaradılmasına qarşı yönəldiyini açıqlayıb. O, əlavə edib ki, "Biz əcdadlarımızın torpağında inkişaf etməyə, tikinti aparmağa və məskunlaşmağa davam edəcəyik" və 2022-ci ilin sonundan bəri 69 yeni qanunsuz yaşayış məntəqəsinin təsdiqləndiyini və ya qanuniləşdirildiyini qeyd edib.
