BAKI, 28 dekabr. TELEQRAF
Rusiyanın "Zenit" klubunun və Braziliya millisinin futbolçusu Nino karyerasını Türkiyə Superliqasında davam etdirə bilər.
Teleqraf məşhur jurnalist Pablo Oliveyraya istinadən xəbər verir ki, 28 yaşlı müdafiəçi ilə "Qalatasaray" maraqlanır.
"Cim-Bom" qış transfer pəncərəsində braziliyalı oyunçunu heyətinə qatmağa çalışacaq.
Nino Yunanıstanın "Olimpiakos", eləcə də vətəninin "Kruzeyro", "Fluminense" və "Palmeyras" komandalarının da hədəfindədir.
Qeyd edək ki, Nino "Zenit"ə 2024-cü ilin qışında "Fluminense"dən keçib. O, bu müddət ərzində Sankt-Peterburq təmsilçisinin heyətində 68 oyunda meydana çıxıb, dörd qol vurub və üç məhsuldar ötürmə edib. Onun klubla hazırkı müqaviləsi 2028-ci ilin yayına qədərdir.
