Portuqaliya millisi və Səudiyyə Ərəbistanının “Əl-Nəsr” klubunun futbolçusu Kriştianu Ronaldo Dubayda keçirilən “Globe Soccer Awards” mərasimində növbəti nüfuzlu mükafatına sahib çıxıb.
“Qafqazinfo” xəbər verir ki, o, 2025-ci ilin nəticələrinə görə “Yaxın Şərqin ən yaxşı futbolçusu” seçilib.
Belə ki, mükafat uğrunda mübarizədə 40 yaşlı portuqaliyalı ulduz Səudiyyə Ərəbistanı çempionatının digər məşhur simalarını – Kərim Benzemanı (“Əl-İttihad”), Salem Əl-Dovsarini (“Əl-Hilal”) və Riyad Mahrezi (“Əl-Əhli”) geridə qoymağı bacarıb.
Qeyd edək ki, karyerası ərzində rəsmi oyunlarda 956 qol vuran Ronaldo bu göstərici ilə dünya futbol tarixinin mütləq rekordçusudur.
"Cebheinfo.az"
