İrana qarşı hər hansı bir təcavüzə dərhal və sərt cavab veriləcək.
"Yeni Sabah" Musavat.com-a istinadən xəbər verir ki, bunu İranın Ali Lideri Ayətullah Əli Xameneinin siyasi müşaviri Əli Şamxani X hesabında yazıb: "İranın müdafiə doktrinasında müəyyən əks tədbirlər hətta təhdid həyata keçirilməzdən əvvəl müəyyən edilir. İranın raket və müdafiə imkanları idarəolunmazdır və icazə tələb etmir. İstənilən təcavüzə dərhal, sərt cavab veriləcək, bu, onu törədənlərin təsəvvüründən kənardır."
Qeyd edək ki, İsrailin Baş naziri Benyamin Netanyahu ilə birgə mətbuat konfransında ABŞ Prezidenti Donald Tramp ABŞ-ın İranla dialoqa hazır olduğunu, lakin güc tətbiq edə biləcəyini və bu halda nəticələrin onun nüvə obyektlərinə zərbə endirməkdən daha ciddi olacağını bildirib: "Ümid edirəm ki, onlar nüvə proqramını yenidən başlatmağa çalışmırlar, çünki əgər belə etsələr, onu tez bir zamanda məhv etməkdən başqa çarəmiz qalmayacaq".
Telegram kanalımız
