BAKI, 1 yanvar. TELEQRAF
Rusiya hava hücumundan müdafiə (HHM) vasitələri son sutka ərzində ölkə regionları üzərində Ukraynaya məxsus 53 pilotsuz uçuş aparatını (PUA) zərərsizləşdirib.
Teleqraf xəbər verir ki, bu barədə Rusiya Müdafiə Nazirliyi məlumat yayıb.
Bildirilib ki, dekabrın 31-də Moskva vaxtı ilə saat 08:00-dan 23:00-dək olan müddətdə təyyarə tipli PUA-lar məhv edilib. Onlardan 40-ı Bryansk vilayəti üzərində, 5-i Voronej vilayəti üzərində, hərəsi 2 olmaqla Belqorod və Orlov vilayətləri üzərində vurulub.
Nazirliyin məlumatına görə, daha bir PUA Volqoqrad, Rostov, Tula və Yaroslavl vilayətləri üzərində HHM qüvvələri tərəfindən məhv edilib.
