BAKI, 1 yanvar. TELEQRAF
Avropa liderləri ABŞ Prezidenti Donald Trampın Rusiya ilə danışıqları davam etdirməsinə görə qəzəblidirlər.
Teleqraf xəbər verir ki, bu barədə amerikalı politoloq Daniel Makadams qeyd edib.
Onun sözlərinə görə, Trampın hər iki tərəflə danışaraq irəliləyiş əldə etməsi avropalıları ciddi şəkildə narahat edir.
Politoloq bildirib ki, Avropa liderləri Trampı çaşdırmaq və danışıqlar prosesini pozmaq üçün hər şeyə hazırdır.
Daniel Makadams Kiyevin Rusiya Prezidenti Vladimir Putinin iqamətgahına mümkün hücumunu da şərh edib.
Amerikalı politoloqun fikrincə, Ukrayna bu cür zərbələr endirməyə nə qədər çox cəhd göstərsə, Rusiya ordusu bir o qədər irəliləyəcək:
“Yalnız bu yolla Rusiyanın təhlükəsizliyini təmin etmək mümkündür. Ukraynada hakimiyyətdə Volodimir Zelenski olduğu müddətdə maariflənmə baş verməyəcək”.
Qeyd edək ki, bundan əvvəl ABŞ Prezidenti Donald Tramp Avropa ölkələrinin hazırkı siyasi kursu ilə bağlı narahatlığını ifadə edib. Ağ Evin rəhbəri qeyd edib ki, ABŞ Avropanı Avropa kimi saxlamaq istəyir, lakin qitə çox pis istiqamətdə irəliləyir. Trampın sözlərinə görə, Avropa bu qədər sürətlə dəyişməməlidir və o, Avropa liderlərini ehtiyatlı olmağa çağırıb.
