Ukraynada keçirilən sorğunun nəticələrinə görə, respondentlərin 62 faizi lazım olduğu qədər müharibə şəraitinə dözməyə hazırdır.
"Cebheinfo.az" AZƏRTAC-a istinadən xəbər verir ki, bu, Kiyev Beynəlxalq Sosiologiya İnstitutunun apardığı sorğuda əks olunub.
Sorguya görə, Rusiyanın sülh planı vətəndaşların əksəriyyəti üçün qəti şəkildə qəbuledilməz olaraq qalır: ukraynalıların 74 faizi bunu tamamilə qəbuledilməz hesab edir, yalnız 17 faizi isə Rusiyanın sülh variantına hazırdır.
Eyni zamanda, ukraynalıların 69 faizi, əsasən həvəssiz olsa da, Avropa-Ukrayna planını dəstəkləyir, 16 faizi isə qəti şəkildə rədd edir.
Müharibənin bitməsi ilə bağlı gözləntilərə gəlincə, respondentlərin yalnız 10 faizi 2026-cı ilin əvvəlinə qədər müharibənin sona çatacağına ümid edir, 16 faizi onun 2026-cı ilin birinci yarısında, 12 faizi ilin ikinci yarısında, 29 faizi isə 2027-ci il və ya daha sonra başa çatacağını gözləyir. Hər üç ukraynalıdan biri (33 faizi) isə suala “bilmirəm” cavabını verib.
Eyni zamanda, ukraynalıların əksəriyyəti - 62 faizi müharibə şəraitinə lazım olduğu qədər dözməyə hazır olduğunu söyləyib (sentyabrda da eyni rəqəm idi). Digər 3 faizi isə təxminən bir il dözməyə hazır olduqlarını bildirib.
Respondentlərin 14 faizi daha qısa müddət (altı ay və ya bir neçə ay) qeyd edib - sentyabrda bu göstərici 21 faiz idi. Lakin suala cavab verə bilməyənlərin sayı 13 faizdən 21 faizə yüksəlib.
"Cebheinfo.az"
