Apa.az saytından alınan məlumatlara görə, ain.az xəbər verir.
“Avropaya inteqrasiya Gürcüstanın siyasi gündəliyinin bir hissəsidir. Konstitusiyamızda yazılıb ki, Avropa İttifaqının tamhüquqlu üzvü olmalıyıq və biz bu plana əməl edəcəyik”.
APA-nın yerli bürosu xəbər verir ki, bunu Gürcüstanın Baş naziri İrakli Kobaxidze Əbu-Dabidə keçirilən Dayanıqlı İnkişaf Həftəsi sammitində deyib.
O, Gürcüstanın assosiasiya sazişinin müddəalarına sarsılmaz şəkildə əməl etdiyini bildirərək qeyd edib ki, bu baxımdan davamlı islahatlar həyata keçiriləcək.
Xatırladaq ki, Gürcüstan 2024-cü ilin noyabrında Aİ-yə üzvlüklə bağlı danışıqları 2028-ci ilədək gündəmə gətirməyəcəyini bildirib.
Hadisənin gedişatını izləmək üçün ain.az saytında ən son yeniliklərə baxın.
