Cari il yanvarın 1-ə Azərbaycanda 1 674 984 vergiödəyicisi qeydiyyatda olub. Onların 86,8%-i fiziki şəxslər, 13,2%-i isə hüquqi şəxslər və digər təşkilatlardır. Bu barədə Dövlət Vergi Xidməti məlumat yayıb.
2025-ci ilin əvvəli ilə müqayisədə vergiödəyicilərinin ümumi sayı 4,9% artıb. Fiziki şəxslərin sayı 4,6%, hüquqi şəxslərin sayı isə 6,6% yüksəlib ki, bu da korporativ sektorun daha sürətli artımını göstərir.
Qeydiyyatdan keçmiş kommersiya təşkilatlarının sayı 204 065-ə çatıb və bu göstərici illik müqayisədə 7,2% artım deməkdir.
N.Təbrizli
