Ajans.az xəbər verir ki,paylaşılan mesajlarda Emmanuel Makron Trampın Qrenlandiya ilə bağlı mövqeyindən və addımlarından təəccübləndiyini ifadə edir. Fransa prezidenti vurğulayır ki, Paris və Vaşinqton Suriya və İran da daxil olmaqla bir sıra beynəlxalq məsələlərdə oxşar mövqeləri bölüşür, lakin ABŞ-ın Qrenlandiyaya yanaşması suallar yaradır. Mesajda deyilir:
“Prezident Makrondan Prezident Trampa. Dostum, Suriya məsələsində tam həmrəyik, İran məsələsində böyük işlər görə bilərik. Amma Qrenlandiya ilə bağlı nə etdiyinizi başa düşmürəm. Gəlin böyük işlər qurmağa çalışaq.

1. Davosdan sonra cümə axşamı günü Parisdə G7 görüşü təşkil edə bilərəm. Ukraynalıları, danimarkalıları, suriyalıları və rusları dəvət edə bilərəm.
2. ABŞ-a qayıtmazdan əvvəl cümə axşamı Parisdə birlikdə şam yeməyi yeyək.
   Emmanuel”.

Yazışmaların həqiqiliyi Fransa Prezident Administrasiyası — Yelisey Sarayı tərəfindən təsdiqlənib. Makronun şəxsi mesajlarının ictimaiyyətə açıqlanması isə beynəlxalq siyasi dairələrdə müzakirələrə səbəb olub.  

• Suriya
• G7
• Emmanuel Makron
• Beynəlxalq Məsələlər
• Tramp
• Qrenlandiya
• İran