Sistem, şəxsin müvafiq qərar vermək üçün adekvat vəziyyətdə olub olmadığını müəyyən etməlidir.
QHT.az xəbər verir ki, son illərdə süni intellektin zehni sağlamlığa mənfi təsiri ilə bağlı narahatlıqlar artıb. Bu kontekstdə, köməkçi evtanaziya üçün nəzərdə tutulmuş Sarco kapsulunun yaradıcısı Filipp Niçke kapsulun süni intellekt əsaslı psixiatrik qiymətləndirmə ilə təkmilləşdirildiyini açıqlayıb. Sistem şəxsin həyatına son qoymaq qərarını verə biləcək zehni yetərliyə malik olub-olmadığını müəyyən edir; uyğun hesab edilərsə, kapsul aktivləşdirilir.
Sarco tibbi müdaxilə olmadan, azot qazı ilə oksigen səviyyəsini azaltmaq yolu ilə işləyir. Tənqidçilər bu cür dönməz qərarın süni intellektə həvalə edilməsini etik cəhətdən təhlükəli sayırlar. Kapsul ilk dəfə 2024-cü ildə İsveçrədə istifadə olunub; hadisə hüquqi və psixoloji nəticələr doğurub. Buna baxmayaraq, Niçke layihəni genişləndirməyi, o cümlədən cütlüklər üçün “ikiqat” versiyanı inkişaf etdirməyi planlaşdırır. Tənqidçilər isə insan qiymətləndirməsinin proqramla əvəz edilməsinə real ehtiyac olmadığını vurğulayırlar.
R.İmanov
