ain.az, Axar.az saytından verilən məlumata əsaslanaraq xəbər yayır.
Ukrayna kəşfiyyatı Rusiyanın regional büdcələrinin kritik vəziyyətini ortaya qoyan yeni məlumat əldə edib. Vəsait çatışmazlığı səbəbindən yerli hakimiyyət orqanları inzibati aparatlarını ixtisar etmək məcburiyyətində qalırlar.
Axar.az xəbər verir ki, bu barədə Ukrayna Müdafiə Nazirliyinin Baş Kəşfiyyat İdarəsi tərəfindən yayılan məlumatda deyilir.
Məlumata görə, inzibati işçilərin 20 faizinə qədər ixtisar edilməsi planları müzakirə edilir:
"Büdcədə maaşları verməyə belə pul yoxdur. Hakimiyyət işdən çıxarılan əməkdaşlara başqa vəzifələr təklif etməklə birbaşa işdən azad etməməyə çalışır. Eyni zamanda bu, əlavə bürokratik tələblər və yeni təhsil almaq zərurəti ilə müşayiət edilir, bu da insanlar arasında hiddətə səbəb olur. İnsanlar süni şəkildə başqa bir strukturda işlə təmin olunmaq üçün bir strukturdan faktiki olaraq qovulur, heç bir real iş məzmunu olmayan yeni rəsmi vəzifələr yaradılır".
Söhbətdə icma təşəbbüsləri üçün infrastrukturun olmaması da ayrıca qeyd olunur: sakinlər öz problemlərini müzakirə etmək üçün toplaşmaq istəyirlər, lakin onların görüş yerləri belə yoxdur”.
Hadisənin gedişatını izləmək üçün ain.az saytında ən son yeniliklərə baxın.
