“Arsenal”ın baş məşqçisi Mikel Arteta Çempionlar Liqasının Liqa mərhələsinin 8-ci turunda “Kayrat”a qarşı keçiriləcək oyunla bağlı fikirlərini bölüşüb.
QOL.az xəbər verir ki, o, keçirdiyi mətbuat konfransında komandasının yalnız qələbə məqsədi ilə meydana çıxacağını bildirib.
“Ötən həftə öz meydanımızda “Mançester Yunayted”ə məğlubiyyətə reaksiyamız əla oldu. Sakitləşmək, dayanmaq və düşünmək üçün fasilə götürdük. Özümüzdən soruşduq: növbəti dörd ayda necə davam etməliyik? Bu, çox ümidverici və gözəl idi. Nəticə sadədir: biz eyni anda dörd turnirdə oynamağa layiqiq. “Kayrat”a qarşı cəsarətlə və qələbəyə inamla oynayacağıq. Əyləncəli olacaq! Arzunu gerçəkləşdirmək istəyəndə, 10 ay ərzində inanılmaz şeylər baş verir. Bunu yalnız bu cür yaşamaq olar. İstədiyimizə çatmağın ən yaxşı yolu bütün enerjini bu istiqamətə yönəltməkdir”, - deyə Arteta qeyd edib.
“Arsenal” – “Kayrat” matçı Londonda, “Emirates” stadionunda keçiriləcək və Bakı vaxtı ilə bu gecə saat 00:00-da başlayacaq.
