ain.az, Azertag portalından verilən məlumatlara əsaslanaraq xəbər verir.
Ağdaş, 28 yanvar, AZƏRTAC
Azərbaycan Respublikası Prezidentinin müvafiq Sərəncamına uyğun olaraq Ağdaş rayonunun Davudlu–Binələr–Güvəkənd–Əmirarx–Qaradeyin–Eymur–Ərəbşəki–Ağcaqovaq avtomobil yolunun əsaslı təmiri ilə bağlı müvafiq tədbirlər həyata keçirilir.
AZƏRTAC-ın bölgə müxbiri xəbər verir ki, layihə çərçivəsində sözügedən avtomobil yolunun texniki vəziyyətinin yaxşılaşdırılması, yol örtüyünün yenilənməsi, hərəkətin təhlükəsiz və rahat şəkildə təşkili nəzərdə tutulur.
Hazırda əsaslı təmir işləri yolun Güvəkənd kəndi ərazisində aparılır. Görülən işlər çərçivəsində yol yatağının bərpası, asfalt örtüyünün salınmasına hazırlıq və digər zəruri infrastruktur tədbirləri həyata keçirilir.
Qeyd edək ki, Davudlu–Binələr–Güvəkənd–Əmirarx–Qaradeyin–Eymur–Ərəbşəki–Ağcaqovaq avtomobil yolu səkkiz yaşayış məntəqəsini birləşdirir və yerli əhali üçün mühüm nəqliyyat əhəmiyyətinə malikdir.
Yolun əsaslı təmiri bölgədə nəqliyyat əlaqələrinin yaxşılaşmasına, kəndlərarası gediş-gəlişin asanlaşmasına, əhalinin sosial-iqtisadi şəraitinin daha da yaxşılaşmasına xidmət edəcək.
Təmir işlərinin mərhələli şəkildə davam etdirilməsi və yaxın müddətdə digər yaşayış məntəqələrini də əhatə etməsi nəzərdə tutulur.
Sonrakı hadisələr barədə daha çox məlumat almaq üçün ain.az saytını izləyin.
