ABŞ Dövlət katibi Marko Rubio Senatın Xarici Əlaqələr Komitəsinin dinləmələrində bildirib ki, Vaşinqton Kubada hökumət dəyişikliyini istərdi, lakin belə bir dəyişikliyə səbəb olmaq niyyətində deyil. Bu barədə Reuters məlumat yayıb.
Dövlət Departamentinin rəsmisi bildirib: "Şübhəsiz ki, Kubadakı avtokratik rejimə son qoyularsa, bu, ABŞ üçün bir nailiyyət olardı. Biz lehinə olardıq, amma bu, belə bir dəyişikliyə kömək etmək niyyətində olduğumuz anlamına gəlmir".
Venesuela prezidenti Nikolas Maduronu ələ keçirmək əməliyyatından sonra ABŞ prezidenti Donald Tramp dəfələrlə Kubanın onun növbəti hədəflərindən biri ola biləcəyini bildirib. Hazırda ABŞ Dövlət katibi vəzifəsində çalışan Rubio, 1959-cu il inqilabından sonra Kubadan qaçmağa məcbur olan kubalı valideynlərin ailəsində ABŞ-da anadan olub.
Əziz Mustafa
