Reyting.az portalından verilən məlumata əsasən, ain.az bildirir.
Portuqaliyanın mərkəzinə və şimalına təsir edən “Kristin” qasırğasının yaratdığı daşqınlar, torpaq sürüşmələri və qəzalarda ən azı 5 nəfər ölüb.
Reyting.az xəbər verir ki, mülki müdafiə rəsmilərinin məlumatına görə, güclü yağış və saatda 150 kilometrə çatan külək ölkə daxilində 3000-dən çox qəzaya səbəb olub.
Hökumətin “ekstremal hava hadisəsi” kimi xarakterizə etdiyi fırtına səbəbindən məktəblər bağlanıb.
Təbiət hadisəsi binalara və nəqliyyata ciddi ziyan vurub. Paytaxt Lissabonu şimalla birləşdirən əsas magistral yol da daxil olmaqla dəmir yolu xətləri bağlanıb.
Bundan başqa, güclü külək səbəbindən Leyriyada yerləşən “Monte Real” aviabazasında ən azı iki “F-16” təyyarəsi zədələnib. Leyriyanın meri Qonsalo Lopes hökuməti fövqəladə vəziyyət elan etməyə çağırıb. Elektrik paylama şirkəti “E-Redes”-in məlumatına görə, 850.000-dən çox insan elektriksiz qalıb.
Portuqaliyadan sonra fırtına İspaniyaya da təsir edib. Təcili yardım xidmətləri hava şəraiti ilə bağlı təxminən 2000 hadisəyə reaksiya verdiyini bildirib. İspaniya Milli Meteorologiya Agentliyi çox güclü küləklər barədə xəbərdarlıq edib.
V. QULİYEV
Sonrakı hadisələr barədə daha çox məlumat almaq üçün ain.az saytını izləyin.
