Avropa İttifaqının (Aİ) Rusiyaya qarşı yeni sanksiyalar paketinə “kölgə donanması”na məxsus gəmilərin hərəkətinin məhdudlaşdırılması üçün tədbirlər də daxil ola bilər.
Yeniavaz.com xəbər verir ki, bu barədə Fransa xarici işlər naziri Jan Noel Barro Brüsseldə keçirilən Aİ xarici siyasət rəhbərlərinin görüşündə çıxış edərkən bildirib.
“Rusiyaya qarşı 20-ci sanksiya paketinin 18-ci və 19-cu sanksiyalar qədər güclü olmasını və xüsusilə sərt tədbirləri, xüsusilə də, dəniz nəqliyyatına qadağa qoyulmasını, “kölgə donanması”nın hərəkətinə mane olmasını təmin etmək üçün səylərimizi davam etdiririk”, - nazir bildirib.
Həmçinin, Fransa xarici işlər naziri bu gəmilərdən birinin bir neçə gün əvvəl Fransa Hərbi Dəniz Qüvvələri tərəfindən saxlanıldığını bildirib.
