UEFA baş katibinin müavini Corco Marketti Azərbaycan çempionu “Qarabağ”ı UEFA Çempionlar Liqasının pley-off mərhələsinə vəsiqə qazanması münasibətilə təbrik edib.
90deqiqe.Az-ın məlumata görə, UEFA rəsmisi bu barədə İsveçrənin Nyon şəhərində keçirilən pley-off mərhələsinin püşkatma mərasimində açıqlama verib. Corco Marketti Ağdam təmsilçisinin turnirin liqa mərhələsində göstərdiyi çıxışla bir çoxlarını təəccübləndirdiyini bildirib.
Onun sözlərinə görə, “Qarabağ”ın pley-off mərhələsinə yüksəlməsi klubun avrokuboklardakı sabit və uğurlu çıxışının növbəti göstəricisidir.
Qeyd edək ki, “Qarabağ” UEFA Çempionlar Liqasının liqa mərhələsini 10 xalla 22-ci pillədə başa vuraraq pley-off mərhələsinə yüksəlib.
