ADY Bakı–Ağstafa–Bakı istiqamətində əlavə reyslər təyin edir

BAKI, 18 fevral. TELEQRAF

Azərbaycan Dəmir Yolları (ADY) artan sərnişin tələbatını təmin etmək məqsədilə 21 və 22 fevral tarixlərində Bakı–Ağstafa–Bakı istiqamətində əlavə qatar reysləri təyin edir.

Qurumdan Teleqraf-a bildirilib ki, sözügedən reyslərə biletləri 10 faiz endirimlə dəmiryol kassalarından, ADY-nin rəsmi saytından və ya “ADY Mobile” tətbiqi vasitəsilə əldə etmək mümkündür.

Qeyd edək ki, bu istiqamət üzrə Bakı–Qazax–Bakı marşrutu ilə də gündəlik səfərlər təşkil olunur.