“Ayaks”ın baş məşqçisi Fred Qrimm Aleksandr Zinçenkonun komanda ilə vidalaşdığını bildirib.
Publia.az xəbər verir ki, onun sözlərini “Voetbal Primeur” sitat gətirib.
Niderlandlı mütəxəssis ukraynalı futbolçunun “Ayaks”da cəmi ikinci oyununda aldığı zədədən sonra Amsterdamda reabilitasiya kursundan keçməyəcəyini təsdiqləyib.
“Zinçenko bizimlə vidalaşdı və bu, olduqca emosional bir an idi. Onun reabilitasiyası Amsterdamda baş tutmayacaq. Məyusluq — mən də elə hiss etdim. Onunla danışanda o, zədəyə görə özünü çox günahkar hiss etdi. Bu, onun bir insan kimi haqqında çox şey deyir”, – Qrim deyib.
