ain.az, Reyting.az portalına istinadən məlumat yayır.
Kim Çen İnn Koreya İşçi Partiyasının 9-cu Konqresində nümayəndələrin səsləri ilə yenidən partiyanın rəhbəri seçilib.
Reyting.az xəbər verir ki, bu barədə Şimali Koreya Mərkəzi Xəbər Agentliyi (KCNA) məlumat yayıb.
Məlumatda Kim Çen İnnin rəhbərliyi altında ölkənin nüvə imkanlarını inkişaf etdirdiyi və “müharibədən çəkindirmə qabiliyyətini əsaslı şəkildə artırdığı” vurğulanıb.
Koreya İşçi Partiyasının bəyanatında nüvə imkanlarının inkişafının ölkəni “hər cür təcavüz və müharibəyə qarşı” hazırladığı iddia edilib.
Konqresdə partiyanın mərkəzi komitəsi üçün yeni siyahı da açıqlanıb. Hesabatda qeyd olunur ki, yüksək rütbəli hərbi komandirlər və Ali Xalq Məclisinin (SPA) 76 yaşlı sədri Çoe Ryonq Hae də daxil olmaqla çoxsaylı şəxslər 138 üzvdən ibarət orqandan çıxarılıb.
Bundan əlavə, Şimali Koreyanın nüvə və raket proqramlarının “beyinləri” və əsas memarları hesab edilən marşal Pak Conq Çon və Ri Pyonq Çol da mərkəzi komitəyə daxil edilməyib.
Digər tərəfdən, növbəti 5 il üçün siyasi və hərbi məqsədlərin açıqlanması gözlənilən qurultayın dördüncü günündə yenidən partiya lideri seçilən Kimin Şimali Koreyanın raket və nüvə məqsədlərini sürətləndirmək planlarını da açıqlayacağı gözlənilir.
Qurultayda ümumilikdə 5000 nümayəndə və 2000 müşahidəçinin iştirak etdiyi bildirilir.
Koreya İşçi Partiyasının ən yüksək qərar qəbuletmə orqanı olan Konqres sonuncu dəfə 2021-ci ildə görüşmüşdür.
ELÇİN
Ən son xəbərləri və yenilikləri almaq üçün ain.az saytını izləyin.
