ain.az bildirir, Bizimyol portalına istinadən.
İranın mətbuat orqanları, Ürdünə aid Muvaffak Salti hava bazasına qarşı təhdidləri əks etdirən video yayıblar. Videoda obyektin aerofotosurətləri və hərbi təyyarələrin şəkilləri göstərilir. Şəkillər, Tehran ilə Vaşinqton arasındakı gərginliyin artdığı bir dövrə təsadüf edir.
Bizimyol.info xəbər verir ki, bundan əlavə, "Tehran Times" qəzetində dərc edilən məqalədə, Tehranın yaxınlığında "amerikalı əsgərlər üçün 5000 məzarın hazırlandığı" iddia edilib.
İran hökuməti, bu məzarlığın qeyri-müsəlmanların dəfn qaydalarına uyğun olacağını vurğulayıb və bu addımı "təhlükəsizlik tədbiri" olaraq təqdim edib, yaxınlaşan müharibə əlaməti kimi göstərməyib.
Lakin bəzi iranlı məmurlar bu bəyanatı ABŞ-a qarşı ciddi xəbərdarlıqlar etmək üçün istifadə ediblər, bildirib ki, əgər hücum baş verərsə, qurbanlar çox olacaq. Mütəxəssislər qeyd edirlər ki, simvolik hazırlıqlar və ritorika, ABŞ ilə İran arasındakı qarşıdurmada psixoloji müharibə aktları olaraq, diplomatiya və hərbi təhdidlərlə yanaşı istifadə edilir.
Qadir, Bizimyol.info
Ən son xəbərləri və yenilikləri almaq üçün ain.az saytını izləyin.
