BAKI, 24 fevral. TELEQRAF
İranın İsfahan əyalətində orduya məxsus helikopter qəzaya uğrayıb.
Teleqraf xəbər verir ki, bu barədə IRNAməlumat yayıb.
Məlumata görə, hadisə əyalətin Dorçe bölgəsində yerləşən meyvə-tərəvəz bazarının yaxınlığında qeydə alınıb. Qəzadan dərhal sonra əraziyə xilasetmə və yanğınsöndürmə briqadaları cəlb olunub.
Xilasedicilər hadisə yerində baş verən yanğını nəzarətə götürə biliblər.
Hələlik qəzanın başvermə səbəbləri, eləcə də ölən və yaralananlar barədə rəsmi məlumat açıqlanmayıb.
