Azpolitika.az portalından verilən məlumata görə, ain.az xəbər yayır.
Ukraynada döyüşmək üçün əcnəbiləri cəlb edən rusiyalı “işəgötürənlərə” “qara siyahı” təqdim olunub. Həmin siyahıda muzdlu əsgərlərin “idxalının” qadağan olunduğu ölkələrin adları yer alıb.
“AzPolitika” xəbər verir ki, bu barədə Rusiyanın “Vajnıye istorii” nəşri məlumat yayıb.
Məlumatda deyilir ki, 43 ölkəni əhatə edən siyahı əsasən ərəbdilli ərazilərdə çalışan “işəgötürənlər” arasında paylanılıb. Bu siyahıya bəzi Afrika və Ərəb ölkələri, eləcə də Rusiyaya "dost" olan digər dövlətlər daxildir: Çin, Hindistan, Braziliya, Cənubi Afrika, Türkiyə, Kuba, Əfqanıstan, İran, Venesuela və sair.
Məlumatda qeyd olunur ki, bu siyahı əsasən diplomatik əlaqələrin nəticəsi ola bilər. Belə ki, bir çox ölkələr diplomatik kanallarla Rusiyaya müraciət edərək, öz vətəndaşlarının rus ordusuna muzdlu kimi qəbulunu və Ukraynaya göndərilməsini dayandırmağı tələb edib. Hələ 2024-cü ilin ortalarından bəri Nepal, Hindistan və Şri-Lanka Rusiya hakimiyyət orqanlarına bununla bağlı müraciətlər etmişdilər. 2025-ci ilin noyabr ayında İordaniya da oxşar tələb irəli sürüb.
Siyahıya Azərbaycan da daxil olmaqla, postsovet məkanına aid ölkələr daxil edilməyib. Görünür bunun üçün həmin ölkələr də Rusiya qarşısında rəsmən tələb qoymalıdırlar.
Xatırladaq ki, son zamanlar mediada və sosial şəbəkələrdə Rusiya ordusuna cəlb edilmiş Azərbaycan vətəndaşlarının həlak olması və itkin düşməsilə bağlı çoxlu sayda məlumatlar dərc edilir…
Rusiyada vətəndaşlarının işğalçı orduya cəlb edilməsinə qadağan qoyulduğu iddia edilən ölkələrin siyahısı işə aşağıdakı kimidir:
1. Əfqanıstan
2. Əlcəzair
3. Anqola
4. Birləşmiş Ərəb Əmirlikləri
5. Argentina
6. Bəhreyn
7. Braziliya
8. Venesuela
9. Vyetnam
10. Qana
11. Qvineya
12. Misir
13. İsrail
14. Hindistan
15. İordaniya
16. İraq
17. İran
18. Yəmən
19. Kamerun
20. Qətər
21. Keniya
22. Çin
23. Kolumbiya
24. Kuba
25. Küveyt
26. Laos
27. Liviya
28. Mozambik
29. Namibiya
30. Nepal
31. Nigeriya
32. Nikaraqua
33. Oman
34. Pakistan
35. Səudiyyə Ərəbistanı
36. Somali
37. Suriya
38. Tanzaniya
39. Türkiyə
40. Uqanda
41. Şri-Lanka
42. Efiopiya
43. Cənubi Afrika
C.Məmmədli
“AzPolitika.info”
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
