Vaşinqton, 25 fevral, AZƏRTAC
ABŞ Prezidenti Donald Trampın Konqresdə ölkədəki vəziyyətə dair illik müraciəti başa çatıb.
AZƏRTAC-ın məlumatına görə, “State of Union” adlı ənənəvi müraciət 1 saat 47 dəqiqə çəkib. Bu, 1964-cü ildən etibarən aparılan qeydlərə əsasən, ən uzun müraciət hesab olunur.
Çıxışda o, ölkədəki vəziyyət barədə danışıb, daxili və xarici siyasət istiqamətində əldə olunmuş nailiyyətlərə toxunub.
06:35
ABŞ Prezidenti Donald Tramp Konqresdə ölkədəki vəziyyətə dair illik müraciətini edir.
AZƏRTAC-ın məlumatına görə, “State of Union” adlı ənənəvi müraciətdə o xalqa geri qayıtdığını bildirib. O bildirib ki, ABŞ xalqı heç zaman olmadığı kimi güclü və böyük və yaxşıdır.
“Bu il 4 iyulda biz yer üzündə indiyə qədər mövcud olmuş ən inanılmaz və müstəsna millətin azadlıq, zəfər və tərəqqisinin 250 illiyini qeyd edəcəyik. Bu, Amerikanın qızıl dövrüdür”,- deyə Tramp əlavə edib. O deyib ki, bir ilin yekununda ABŞ əvvəllər heç kəsin görmədiyi dəyişikliyə nail olub. Onun sözlərinə görə, ölkə sərhədləri bu gün təhlükəsizdir.
Məlahət Nəcəfova
AZƏRTAC-ın xüsusi müxbiri
Vaşinqton
