Fevralın 26-da Fövqəladə Hallar Nazirliyinin kollektivi Xocalı soyqırımının 34-cü ildönümü ilə əlaqədar Bakıda soyqırımı qurbanlarının xatirəsinə ucaldılmış abidəni ziyarət edib.
Nazirliyin mətbuat xidmətindən AZƏRTAC-a verilən məlumata görə, abidənin önünə gül dəstələri düzülüb, Xocalı soyqırımı qurbanlarının əziz xatirəsi dərin ehtiramla yad olunub.
