Türkiyə xüsusi xidmət orqanları İstanbulda partlayıcı maddələrdən istifadə etməklə terror aktları planlaşdıran dörd nəfəri saxlayıb.
NOCOMMENT.az xəbər verir ki, bu barədə NTV telekanalı məlumat yayıb.
Bildirilib ki, əməliyyat Türkiyənin Milli Kəşfiyyat Təşkilatı və hüquq-mühafizə orqanlarının koordinasiyalı fəaliyyəti nəticəsində həyata keçirilib. Şübhəli şəxslərin İstanbulda müxtəlif obyektlərə qarşı partlayış törətməyi planlaşdırdıqları müəyyən edilib.
Məlumata görə, saxlanılan şəxslərdən partlayıcı maddələr və digər sübut əhəmiyyətli materiallar aşkarlanıb. Təhlükəsizlik qüvvələri tərəfindən aparılan istintaq çərçivəsində onların mümkün əlaqələri və planlaşdırılan hücumların detalları araşdırılır.
Rəsmi qurumlar əməliyyatın şəhərdə potensial ağır nəticələrin qarşısını aldığını bildiriblər. Faktla bağlı araşdırmalar davam etdirilir.
Sara
