“Novo Nordisk” və “Vivtex” Korporasiyası piylənmə, diabet və əlaqəli xəstəliklərin müalicəsi üçün yeni nəsil oral bioloji preparatların hazırlanması üzrə tərəfdaşlıq elan ediblər.
“Cebheinfo.az” xəbər verir ki, şirkətlər bu barədə birgə bəyanatda bildiriblər.
Müqaviləyə əsasən, “Vivtex” müəyyən oral dərman çatdırılma texnologiyalarını “Novo Nordisk”-ə lisenziyalaşdıracaq. “Vivtex” ilkin ödəniş, tədqiqat maliyyələşdirməsi və 2,1 milyard dollara qədər mərhələli ödənişlər, eləcə də gələcək məhsul satışları üzrə mərhələli royalti almaq hüququna malikdir.
“”Novo Nordisk” onilliklərdir ki, zülal və peptid mühəndisliyi sahəsində, xüsusən də oral peptid terapiyası sahəsində innovasiyaların ön sıralarındadır. Beş ildən çox əvvəl biz dünyada ilk oral bioloji preparatı hazır etdik və bu yaxınlarda dünyada piylənmə üçün ilk oral bioloji preparat hazırlandı ", - deyə “Novo Nordis”k-in terapevtik tədqiqatlar üzrə baş vitse-prezidenti Brayan Vandal bildirib.
"Piylənmə, diabet və əlaqəli xəstəliklərdən əziyyət çəkən milyonlarla insanı müalicə etmək missiyamızı yerinə yetirmək üçün həm daxili, həm də xarici innovasiyalar vasitəsilə elmin sərhədlərini genişləndirməyə davam edirik",-deyib.
“Vivtex” platforması bioloji dərmanları optimallaşdırmaq üçün bir çox patentləşdirilmiş mədə-bağırsaq müayinə metodlarını, dərman çatdırılma texnologiyalarını, hesablama modelləşdirməsini və süni intellekt imkanlarını birləşdirir.
