Bizimyol portalından verilən məlumata əsasən, ain.az bildirir.
Ukraynada bütün hərbçilər üçün xidmət müddətlərinin dəqiq müəyyənləşdirilməsi və müqavilədən sonra möhlət verilməsi planlaşdırılır.
Bizimyol.info xəbər verir ki, bu barədə Prezident Ofisi rəhbərinin müavini Pavlo Palisa “Radio Svoboda”ya müsahibəsində bildirib. O qeyd edib ki, bu yeniliklər ölkənin müqaviləli ordu modelinə keçidini təmin etmək məqsədi daşıyır. Palisanın sözlərinə görə, müvafiq müqavilələri artıq səfərbər edilmiş şəxslər də imzalaya biləcəklər.
“Xidmət müddətinin dəqiq müəyyənləşdirilməsi və səfərbərlik ordusundan müqaviləli orduya mərhələli keçid üçün, o cümlədən hazırda səfərbər olunmuş şəxslər də müqavilə bağlaya biləcəklər”, – deyə Palisa vurğulayıb.
Müqavilələrdə nəzərdə tutulan möhlətlərlə bağlı danışan Palisa bildirib ki, əvvəlki müdafiə naziri yeni müqavilələrə dair qanun layihəsi hazırlayaraq Ali Radaya təqdim edib. O əlavə edib ki, hazırkı müdafiə naziri Mixayıl Fedorov sənədin təkmilləşdirilməsi üçün vaxt istəyib və yaxın zamanda yenilənmiş qanun layihəsinin təqdim olunacağı gözlənilir.
“Xidmət müddətləri ilə bağlı ictimai tələbat aydındır və biz bunu məhz müqavilə mexanizmi vasitəsilə həyata keçirməyə çalışacağıq”, – deyə o bildirib.
Bu gün müdafiə nazirinin müşaviri, radioelektron mübarizə və rabitə sistemləri üzrə mütəxəssis Serhii Beskrestnov (Flash) bəyan edib ki, Ukraynaya Silahlı Qüvvələrin sıralarını gücləndirmək üçün dünyanın müxtəlif ölkələrində xaricilərin cəlb olunması məntəqələri və onlarla iş sistemi lazımdır. O, ölkənin məhdud insan resursları fonunda daha çox xarici vətəndaşın müharibəyə cəlb edilməsinin vacibliyini qeyd edib.
“Biz ön xətdə xidmət edən hərbçilərə bir çox ölkələrin meyarları ilə müqayisədə çox yüksək məbləğ ödəyirik. Dünyanın müxtəlif yerlərində verbovka məntəqələrinə və burada xaricilərlə işləmək üçün sistemə ehtiyac var. Hazırda bu mexanizm mövcuddur, lakin miqyas, operativlik və seçim baxımından zəif işləyir”, – deyə o bildirib.
Fevralın 11-də isə Poltava Vilayət Ərazi Komplektləşdirmə və Sosial Dəstək Mərkəzinin kommunikasiya qrupunun rəhbəri Roman Istomin 2022-ci illə 2025–2026-cı illərdəki səfərbərlik proseslərini müqayisə etməyin düzgün olmadığını bildirib.
Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
