İranda tezliklə yeni Ali Rəhbər seçiləcək.
“Yeni Sabah” İSNA-ya xəbər verir ki, bunu İranın Ekspertlər Şurasının (Şura-ye Xobreqan) üzvü Ayətullah Əli Moəllemi bildirib.
Onun sözlərinə görə, ölkənin yeni ali dini liderinin seçilməsi prosesi uzun çəkməyəcək.
Ayətullah Əli Moəllemi açıqlamasında vurğulayıb ki, Ekspertlər Şurasının üzvləri seçim zamanı şəxsi üstünlükləri nəzərə almayacaq və qərarlarını yalnız dini normalara əsaslanaraq verəcəklər.
O qeyd edib ki, narahat olmağa ehtiyac yoxdur, çünki seçki prosesi sürətli olacaq və keçmişdə olduğu kimi, inqilabın həlak olan lideri roluna uyğun bir şəxsiyyət ali rəhbər postuna gətiriləcək.
Qeyd edək ki, ABŞ və İsrail fevralın 28-də İrana qarşı hərbi əməliyyatlara başlayıb. Hava zərbələri nəticəsində İranın Ali Rəhbəri Əli Xamenei, İslam İnqilabı Keşikçiləri Korpusunun (SEPAH) baş komandanı general-mayor Məhəmməd Pakpur, Ali Rəhbərin müşaviri admiral Əli Şamxani, İran Silahlı Qüvvələrinin Baş Qərargah rəisi general-mayor Əbdülrəhim Musəvi və müdafiə naziri Əmir Nəsirzadə öldürülüb.
Telegram kanalımız
