Ankara, 3 mart, AZƏRTAC
Türkiyənin xarici işlər naziri Hakan Fidan martın 3-də ABŞ-nin Ankaradakı səfiri və Suriya üzrə xüsusi nümayəndəsi Tom Barrakı qəbul edib.
Türkiyə Xarici İşlər Nazirliyi bu barədə AZƏRTAC-a danışığın təfərrüatlarını açıqlamadan məlumat verib.
Bu gün səhər saatlarında Türkiyənin xarici işlər naziri jurnalistlərə bildirib ki, İran, ABŞ və İsrail arasındakı münaqişə regional müharibəyə çevrilmək riski daşıyır. Nazir bildirib: “Hazırkı şəraitdə ən pis ssenari münaqişənin şiddətlənməsi və həm İranı, həm də bütün regionu bürüyəcək qeyri-sabitlik yaratmasıdır”.
Fidanın sözlərinə görə, Ankaranın əsas istəyi qarşılıqlı hücumlara tez bir zamanda son qoymaq və diplomatik səylərin bərpasıdır.
Ramin Abdullayev
AZƏRTAC-ın xüsusi müxbiri
Ankara
