Azertag saytından verilən məlumata görə, ain.az xəbər verir.
London, 5 mart, AZƏRTAC
Böyük Britaniyanın Baş naziri Kir Starmer ölkəsinin Qətərdə yerləşən hərbi qüvvələrini gücləndirmək məqsədilə əlavə qırıcı təyyarələrin göndəriləcəyini açıqlayıb.
AZƏRTAC xəbər verir ki, Baş nazir Yaxın Şərqdə gərginliyin davam etdiyi bir vaxtda Böyük Britaniyanın regiondakı müdafiə əməliyyatlarını gücləndirdiyini bildirib.
Onun sözlərinə görə, Böyük Britaniyanın Qətərdə yerləşən eskadrilyasına qoşulmaq üçün daha dörd “Typhoon” qırıcı təyyarəsi göndərilir. Bundan əlavə, pilotsuz uçuş aparatlarına qarşı imkanlara malik helikopterlərin sabah Kiprə çatacağı gözlənilir. Həmçinin “HMS Dragon” hərbi gəmisi Aralıq dənizinə yerləşdiriləcək.
Baş nazir, həmçinin bildirib ki, Yaxın Şərqdə yaşayan Britaniya vətəndaşlarının təxliyəsi istiqamətində tədbirlər görülür və artıq ilk çarter reysi həyata keçirilib. Onun sözlərinə görə, hazırda regionda olan 140 mindən çox şəxs Böyük Britaniya hökumətinin saytından qeydiyyatdan keçib.
Kir Starmerin sözlərinə görə, bölgədəki münaqişə bir müddət davam edə bilər.
Aytən Abbaslı
AZƏRTAC-ın xüsusi müxbiri
London
Sonrakı hadisələr barədə daha çox məlumat almaq üçün ain.az saytını izləyin.
